Арга хэмжээнд дүүргийн иргэдийн Төлөөлөгчдийн хурлын дарга С.Даваасүрэн, Засаг даргын орлогч Т.Отгонболд, ЗДТГ-ын Төрийн захиргаа удирдлагын хэлтсийн дарга Б.Туяа, Санхүү Төрийн сангийн хэлтсийн дарга Н.Оюунцэцэг Өмч газрын харилцааны албаны дарга С.Ичинхорлоо, ШШГХ-ийн дарга Б.Раднаасүрэн нар оролцлоо. Удирдлагууд тус хэлтсийн үйл ажиллагааны тайланг сонсож, улсын бүртгэлийн байцаагчийн ажлыг хийсэн юм. Хуулийн этгээдийн бүртгэл, гадаадад зорчих эрхийн бүртгэлийн улсын байцаагчийн үүрэгт ажлыг С.Даваасүрэн, Хяналтын үйл ажиллагааны улсын байцаагчийн үүрэгт ажлыг Т.Отгонболд, Эд хөрөнгийн эрхийн улсын бүртгэлийг Б.Раднаасүрэн, С.Ичинхорлоо, Архив, бичиг хэргийн үүрэгт ажлыг Б.Туяа нар хийж иргэдэд үйлчиллээ. “Хишиг өдөр” арга хэмжээний үеэр Улсын Бүртгэлийн хэлтсийн танилцуулга, бүртгэл тус бүрээр ажиллах ажил үүргийн хуваарийг танилцуулж, дүгнэлт хэлэлцүүлгийг зохион байгууллаа.