Багануур дүүрэгт үндэсний их баяр наадмыг  2017 оны 07 дугаар сарын 21,22-нд зохион байгуулах болсонтой холбогдуулан  зөвшөөрөгдсөн зам талбайд худалдаа үйлчилгээ явуулах, хүнсний аюулгүй байдлыг хангах, аливаа эрсдэлээс урьдчилан сэргийлэх ажлыг ЗДТГ-ын дэд бүтэц үйлдвэрлэл үйлчилгээний хэлтсээс зохион байгуулсан. Үүний дагуу дүүргийн Иргэдийн төлөөлөгчдийн хурлын Эрх зүйн бодлогын хороо хуралдлаа. Хурлаар Нийтийн эзэмшлийн зам талбайд худалдаа үйлчилгээ эрхлэх үйл ажиллагааг зохицуулах журмыг хэлэлцэн дэмжигдэж, Дүүргийн нутаг дэвсгэрт мал аж ахуй эрхлэх журмыг захиргааны ерөнхий хуулийн дагуу шаардлага хангаж оруулж ирэхийг үүрэг болгов.