Засгийн газрын тогтоолтой "Хангарьд-2017" Төвийн бүсийн уралдаан, баяр наадмыг 2017 оны 07-р сарын 28-30-ны өдрүүдэд Багануур дүүрэгт зохион байгуулахаар боллоо.  Уралдаанд зургаан насны морьд мөн эрлийз гурван насны морьд уралдах юм байна. Тодруулбал, долдугаар сарын 28-нд Азарга, соёолон, даага, долдугаар сарын 29-нд Их нас, хязаалан, шүдлэн, долдугаар сарын 30-нд Эрлийз дээд, дунд бага насны морьдын уралдаан тус тус болно. Төвийн бүсийн уралдааны үеэр хүчит 128 бөхийн барилдаан болно.