Багануур дүүргийн 2-р хорооны Иргэдийн нийтийн хурал өнөөдөр хуралдлаа. Хурлаар хорооны Засаг дарга, Цагдаагийн хэлтэс, “Энх-өрх” өрхийн эмнэлэгийн хагас жилийн тайлан, орон нутагт бүтээн байгуулалт, Дүүргийн Засаг даргын цаашид хийж хэрэгжүүлэх ажлын талаар сонсож танилцав.
Хуралдаанд Дүүргийн Засаг даргын орлогч Т.Отгонболд Иргэдийн нийтийн хурлын дарга Д.Очир-пүрэв, ИТХ-ын Иргэний оролцооны хэлтсийн дарга Ч.Нарлагмаа, Замын цагдаагийн тасгийн дарга Г.Басбиш Иргэдийн нийтийн хурлын тэргүүлэгчид, иргэд оролцсон юм.
Тус хороонд энэ жилээс шинээр бүтээн байгуулалтын ажлууд хийгдэж байгаад иргэд оршин суугчид баяртай байгаагаа илэрхийлж, Халуун ус, үсчин нээлтээ хийсэн нь иргэдийн цаг завыг хэмнэсэн томоохон хөрөнгө оруулалтын ажил болсон гэдгийг хэлж байна.
