- 2017 оны 09-р сарын 06 буюу Намрын эхэн сарын шинийн 15-ны билэгт сайн өдөр Жонан ханчэн гэгээнтэн Багануур дүүрэгт айлчиллаа. Айлчлалаар дүүргийн Гүндү Ёндон Равжаалин хийдээр зочилж бурхан шашны сургааль айлдаж, Уурхайчин спорт цогцолборт сүсэгтэн зон олонд Ногоон Дарь эхийн лүн, Жамбал цанжидын лүн, Буян хишгийн даллага, айлдаж буян хураалаа.
- Эдүгээгээс арван нэгэн жилийн өмнө буюу 2006 онд Гомон дацанд суралцаж байсан Лувсанчойдаг хэмээх номын нэртэй Цэрэндэжидийн Гантөмөрийг Дээрхийн гэгээнтэн XIV Далай лам Данзанжамц, IX богд Жавзандамба нар Жонан Ханчэн Жамъян Гончиг Бал Самбуу ламын хойд дүрээр тодруулж, мутрын тэмдэг батламж бичиг өгөн зарлиг буулгаж, Жонан Ханчэн хувилгаан хэмээн өргөмжилсөн байна.
- Гэгээнтэн 2003 оноос хойш өнөөг хүртэл Энэтхэгийн Гомон дацанд бурханы ном үзэж байгаа бөгөөд Чойрын гүн ухааны таван ботийн дөрвийг нь судалж дүүргэсэн байна. Одоо тэрээр Гаарамба Ог зиндаанд суралцаж байгаа ажээ. Жонан Ханчэн гэгээний өвөг эцэг нь Гатан овогтой Гомбо гэж лам байжээ. Гомбо ламтан багадаа Мандалын хүрээ болон Хүүхэн хутагтын хүрээнд шавилан сууж 1937 оны их хэлмэгдүүлэлтийн үед арга буюу хар болж өөрийн төрсөн нутаг Хэнтий аймгийн Өмнөдэлгэр суманд монгол хэл, бичгийн багшаар ажиллах болсон байна. Улмаар Гомбо ламтан Улаанбаатарт шилжин суурьшин 1990 онд өөрийн зээ хүүг гурван настай байхаас нь бичиг үсэг, бурханы номын уншлага зааж, улмаар Энэтхэгийн Гомон дацанд шавилуулсан ажээ. Бурхны шашин дотроо өөр өөрийн тогтсон таалал, хэв маяг, номлол бүтээл, гүн гүнзгий үзэл бүхий урсгалууд буюу номын ёсонд хуваагддаг. Тэдгээрийн нэг нь Жонанбийн тогтсон таалал юм. Уг урсгалын Жонан Ханчэн Жамъян Гончиг Бал Самбуу лам нь Халхын анхдугаар Богд Өндөр гэгээн Занабазарын урд дүр болох Жонан дарнат ламын дамжлагын багшаар шүтэгдэж байсан түүхтэй.
Багануур дүүргийн ИРГЭДИЙН ТӨЛӨӨЛӨГЧДИЙН ХУРАЛ
Багануур дүүргийн ИРГЭДИЙН ТӨЛӨӨЛӨГЧДИЙН ХУРАЛ
БАГАНУУР ДҮҮРГИЙН ИТХ-ЫН ЦАХИМ ХАЯГ БАГАНУУР ДҮҮРГИЙН ИТХ-ЫН ЦАХИМ ХАЯГЖонан Ханчэн гэгээнтэн Багануур дүүрэгт айлчиллаа
2017-09-07
