Монголын Улсын Замын хөдөлгөөний аюулгүй байдлыг хангах тухай хууль, дүрмийн мэдлэг олгох, хүүхдийн төлөө бүтээлч ажлыг зохион байгуулах, бага насны хүүхдүүдийг зам тээврийн осол гэмтэлд өртөхөөс урьдчилан сэргийлэх, замын хөдөлгөөнд зөв боловсон оролцох дадлыг эзэмшүүлэх зорилгоор “НОГООН ГЭРЭЛ-ЦАГААН ШУГАМ-2018” тэмцээнийг зохион байгууллаа. 
Тэмцээнийг дүүргийн Гэмт хэргээс урьдчилан сэргийлэх ажлыг зохицуулах салбар зөвлөл, Замын цагдаагийн тасаг, Улаан загалмай хороо хамтран зохион байгуулж Мэндчилгээ, Хамтдаа, Буухиа, Урлагийн тоглолт, Гэрийн даалгавар гэсэн 5 төрлөөр явагдаж ЕБС-ын 4 багийн 40 гаруй сурагчид авхаалж самбаагаа сорин өрсөлдсөн юм. 
Тэмцээнд нэгдүгээр байрт БЦС-ын “ШОНХОР” баг орж Цом алтан медаль өргөмжлөл Гурван зуун мянган төгрөгний эзэн болсон бол хоёрдугаар байрт ГГЦС-ын “СҮЛД” баг орж Мөнгөн медаль өргөмжлөл хоёр зуун мянган төгрөгний эзэн боллоо.