Багануур дүүргийн 1 дүгээр хорооны Иргэдийн Нийтийн Хурал 2019 оны 01 дүгээр сарын 21-ний өдөр Өргөө соёлын төвд хуралдлаа.
Хуралдаанд ИТХ-ын дарга С.Даваасүрэн, ИТХ-ын Төлөөлөгч Засаг даргын орлогч Т.Отгонболд ИНХ-ын дарга Х.Оргодол, 1 дүгээр хорооны Засаг дарга Л.Эрдэнэтуяа болон ИТХ-ын Төлөөлөгчид 350 иргэн оролцоо. Хурлаар дараах асуудлуудыг хэлэлцэв.
- Хорооны ИНХ-ын 2018 онд хийж хэрэгжүүлсэн ажлын тайлан
- Хорооны Засаг даргын 2018 онд хийж хэрэгжүүлсэн ажлын тайлан
- Энэрэлт өлзийн Өрхийн эрүүл мэндийн төвийн тайлан
- 1 дүгээр хорооны Цагдаагийн хэсгийн тайлан
- Шинэ элч, Сод хөгжил, Содон суварга СӨХ-ны тайлан
- ИТХ-аас орон сууц, гэр хорооллын айл өрхүүдийн дунд хийсэн судалгааны тайлангийн танилцуулга
- 2018 онд дүүрэгт хийгдсэн хөрөнгө оруулалтын ажил болон 2019 онд дүүрэгт хийгдэх хөрөнгө оруулалтын талаарх мэдээллийг иргэдэд хүргэн ажиллалаа.
Энэ үеэр сар шинийн баярын өдрийг тохиолдуулан УИХ-ын гишүүн Ц.Мөнх-Оргил дүүрэгт хүрэлцэн ирж 1 дүгээр хорооны ахмадуудад хүндэтгэл үзүүллээ.
