Жил бүрийн 10 дугаар сарын 01-ний өдрийг ахмадын баярын өдөр болгон тэмдэглэдэг уламжлалтай. Тус өдрийг тохиолдуулан Багануур дүүргийн 3-р хорооноос сонгогдсон иргэдийн Төлөөлөгчдийн Хурлын Төлөөлөгчид хорооны Иргэдийн нийтийн хурал ажлын алба хамтран хорооны 500 гаруй ахмадуудыг хүлээн авч хүндэтгэл үзүүлэн шагнан урамшуулж гарын бэлэг гардууллаа.
Монгол Улс энэ өдрийг 1992 оноос эхлэн тэмдэглэж иржээ. НҮБ-аас анх 1990 онд ахмад настны баярыг тэмдэглэх шийдвэр гаргаснаар олон орон жил бүрийн энэ өдрийг ахмад настнуудаа баярлуулах, хүндлэх, эрх ашгийг нь хамгаалах арга хэмжээг зохион байгуулах болсон аж.
Монгол Улсын хэмжээнд 300 мянга гаруй ахмад настан бий. Өнөөдрийн хөгжилд хүрэхэд ахмадуудын оруулсан хувь нэмэр асар их. Ахмад буурлууддаа баярын мэнд хүргэж, эрүүл энх, урт удаан нас, хамгийн сайн сайхныг хүсье.