Багануур дүүргийн иргэдийн Төлөөлөгчдийн Хурлын Төлөөлөгчдийн ээлжит XXII хуралдаан 2019 оны 10 дугаар сарын 17-ны өдөр 10:00 цагт ИТХ-ын 302 тоот хурлын танхимд хуралдлаа. Хуралдаанд ирвэл зохих 25 Төлөөлөгчөөс 21 Төлөөлөгч хүрэлцэн ирж хуралдааны ирц 84 хувьтай эхлэв.

Өнөөдрийн хурлаар Багануур дүүргийн эдийн засаг, нийгмийг 2018 онд хөгжүүлэх үндсэн чиглэлийн биелэлт дүгнэх тухай, Багануур дүүргийн эдийн засаг нийгмийг 2019 онд хөгжүүлэх үндсэн чиглэлийн хэрэгжилтийн явцыг хэлэлцэх тухай, Багануур дүүргийн эдийн засаг нийгмийг 2020 онд хөгжүүлэх үндсэн чиглэлийн төслийг хэлэлцэх тухай, Газар зохион байгуулалтын 2019 оны төлөвлөгөөнд нэмэлт өөрчлөлт оруулах тухай, Багануур дүүргийн усны аюулгүй байдлын төлөвлөгөө батлах тухай 5 асуудлыг хэлэлцлээ.

Дүүргийн эдийн засаг нийгмийг хөгжүүлэх үндсэн чиглэлийн биелэлт явцын талаар ИТХ-ын Бодлогын хороодын дарга нар санал дүгнэлтийг уншиж 2020 оны үндсэн чиглэлийн төсөлд нэмэлтээр оруулах саналуудыг танилцууллаа.