Багануур дүүргийн иргэдийн Төлөөлөгчдийн Хурлаас дүүрэгт Буддын шашны үйл ажиллагаа явуулдаг Онцаришейлин хийд, Гүндү Ёндон Равжаалин хийд, Дашилхүнболин хийдийн лам нартай 2019 оны 11 дүгээр сарын 14-ний өдөр ИТХ-ын 302 тоот хурлын танхимд уулзалт зохион байгууллаа.
Уулзалтаар дүүргийн ИТХ-ын Тэргүүлэгчдийн нарийн бичгийн дарга бөгөөд ажлын албаны дарга Б.Балжинням төр сүм хийдийн харилцааны тухай хууль, дүүргийн Буддын шашин төр хоорондын хамтын ажиллагааны талаар танилцуулж, Гүндү Ёндон Равжаалин хийдийн хамба лам Г.Бат-Эрдэнэ Монголын Бурхны шашны уламжлал, Багануур дүүргийн бурхан шашин хийдүүдийн товч түүхийн талаар танилцууллаа.
Уулзалтаар дүүргийн ИТХ-ын дарга С.Даваасүрэн төр шашны цаашдын хамтын ажиллагаагаар иргэдийг соён гэгээрүүлэх ажилд дүүргийн шашны байгууллагууд хамтран ажиллах талаар санал хүсэлтээ илэрхийлж, цаашид төр захиргааны байгууллагаас авч хэрэгжүүлэх ажил арга хэмжээний талаар лам нарын санал хүсэлтийг нь сонсон ажиллав. Дүүргийн Бурхан шашны хийдийн лам нараас хүлээн авч уулзаж цаашид хамтран ажиллах тал дээр сэтгэгдэл өндөр байгаагаа илэрхийлж байлаа.
