Багануур дүүргийн иргэдийн Төлөөлөгчдийн Хурлын Тэргүүлэгчдийн XVIII хуралдаан 2019 оны 12 дугаар сарын 04-ний өдөр хуралдлаа. Хуралдаанаар:
- Төрийн дээд шагналд уламжлах тухай
- Улс, нийслэл, орон нутгийн хөрөнгө оруулалтаар хийгдсэн ажилтай танилцах ажлын хэсгийн тайланг хэлэлцэх тухай
- ИТХ-ын ажлын албаны бүтэц, орон тоог шинэчлэн батлах тухай
- Иргэдийн Төлөөлөгчдийн Хурлын ээлжит XXIV хуралдааны тов хэлэлцэх асуудал батлах тухай
- Иргэдийн Төлөөлөгчдийн Хурлын ээлжит XXV хуралдааны тов, хэлэлцэх асуудал батлах тухай 5 асуудлыг хэлэлцэн баталлаа.
Иргэдийн Төлөөлөгчдийн Хурлын ээлжит XXIV хуралдаан 2019 оны 12-р сарын 17-ны өдөр 13:00 цагт ИТХ-ын 302 тоот хурлын танхимд хуралдуулахаар тогтож, дүүргийн 2019 оны газар зохион байгуулалтын төлөвлөгөөний биелэлтийг үнэлж, дүгнэх тухай 2020 оны газар зохион байгуулалтын төлөвлөгөөг батлах тухайг хэлэлцэхээр баталлаа.
Иргэдийн Төлөөлөгчдийн Хурлын ээлжит XXV хуралдаан 2019 оны 12-р сарын 18-ны өдрийн 10:00 цагт ИТХ-ын 302 тоот хурлын танхимд хуралдуулж Дүүргийн эдийн засаг нийгмийг 2020 онд хөгжүүлэх үндсэн чиглэлийг батлах тухай, дүүргийн 2020 оны төсвийг батлахаар хуралдааны тов хэлэлцэх асуудлыг баталлаа.
