Багануур дүүргийн иргэдийн Төлөөлөгчдийн Хурлын Тэргүүлэгчдийн 52 дугаар тогтоолоор дүүрэгт хийгдэж буй төсөл арга хэмжээний ажлын явцтай танилцах ажлын хэсгийг батлан гаргасны дагуу 2020 оны 08-р сарын 12-ний 4,5-р хорооны нутаг дэвсгэрт хийгдсэн хөрөнгө оруулалт бүтээн байгуулалтын ажлуудтай ИТХ-ын Төлөөлөгч нар болон төр захиргааны байгууллагын удирдлагууд танилцан ажиллалаа.
Үйл ажиллагаанд ажлын хэсгийн ахлагч дүүргийн ИТХ-ын Төлөөлөгч Эдийн засаг, төсөв санхүүгийн бодлогын хорооны дарга О.Батмөнх, ажлын хэсгийн гишүүн ИТХ-ын Тэргүүлэгч Ж.Мөнхцэцэг дүүргийн Засаг даргын Орлогч Б.Балжинням болон холбогдох албаны хүмүүс оролцлоо.
Үүнд 4-р хорооны нутаг дэвсгэр Хуцаа, Жаргалант хэсгийн хүүхдийн тоглоомын талбай, Тогос уул хэсгийн хүүхдийн тоглоомын талбай, Хэрлэн хэсгийн 100 ортой хүүхдийн цэцэрлэг, 5 дугаар хорооны нутаг дэвсгэр Бага гүн хэсгийн хүүхдийн тоглоомын талбай явган хүний замын ажилтай танилцаж шаардлагад нийцүүлэн чанартай хийж гүйцэтгэх үүрэг чиглэлийг өгч үр дүнг ИТХ-ын Тэргүүлэгчдийн хуралдаанд танилцуулахаар боллоо.
