Багануур дүүргийн 4, 5-р хорооны алслагдсан хэсэг болох Хэрлэн, Тогос-Уул Их гүн хэсгийн айл өрхийн хүүхдүүд гэртэйгээ ойр, тав тухтай орчинд СӨБ-ыг эзэмших боломж бүрдлээ.
2022 оны 03-р сарын 04-ний өдөр 132-р цэцэрлэгийн нээлтийн үйл ажиллагаа боллоо. Нээлтэд Засгийн газрын гишүүн Шадар сайд С.Амарсайхан, УИХ-ын гишүүн Ц.Сандаг-Очир болон дүүргийн төр захиргааны байгууллагын дарга удирдлагууд, Боловсролын байгууллагын удирдлагууд эцэг эхүүдийн төлөөллүүд оролцлоо. Алслагдсан хэсгийн хүүхдүүд гэр цэцэрлэгт орчин нөхцөлийн стандарт хангалт дутмаг байдалд сурч, хүмүүжиж байсан асуудлыг тухайн үеийн нийслэл, дүүргийн Засаг даргаар ажиллаж байсан С.Амарсайхан, Ц.Сандаг-Очир нар нийслэлийн төсөвт 1,6 тэрбум төгрөгийн хөрөнгийн асуудлыг 2020 онд тусгаж байсан нь 2022 оны эхэнд ийнхүү биеллээ олж байгаа юм. 
