Багануур дүүргийн хэмжээнд 21 нас хүрээгүй иргэнд электрон тамхи худалдаалахгүй

 Нийслэлийн ИТХ-ын Хүний хөгжлийн хороо өнгөрсөн сарын 24-ний өдөр Гэр бүл хүүхэд залуучуудын хөгжлийн газарт ажиллах үеэрээ электрон тамхийг 21-ээс доош насны иргэдэд худалдахгүй байх саналыг гаргасан. Мөн электрон тамхийг сургууль цэцэрлэгийн бүсийн 500 метр дотор худалдаалахгүй байх талаар саналд давхар тусгасан байв. Харин Хүний хөгжлийн хорооны санал эхнээсээ үр дүнтэй ажил хэрэг болж байна. Багануур дүүргийн ИТХ, ЗДТГ, Цагдаагийн хэлтэс, Гэр бүл, хүүхэд залуучуудын хөгжлийн хэлтсээс тус дүүргийн хэмжээнд 21 нас хүрээгүй хүнд электрон тамхи худалдаалахыг хоригложээ.