ИТХ-ЫН ТӨЛӨӨЛӨГЧИД 4-Р ХОРООНЫ ИРГЭДТЭЙ ХИЙХ УУЛЗАЛТ ӨНӨӨДӨР ЗДТГ 219 ХУРЛЫН ТАНХИМД БОЛЛОО
Уулзалтад НИТХ-ын Төлөөлөгч, дүүргийн ИТХ-ын дарга Т.Отгонболд, Төлөөлөгч, 4-р хорооны Засаг дарга Ж.Мөнхцэцэг, О.Мөнхсайхан, Г.Бат-Эрдэнэ, ИТХ-ын ажлын албаны дарга Г.Гансэлэм, Засаг даргын орлогч Б.Балжинням болон холбогдох албаны хүмүүс оролцож иргэдтэй санал хүсэлтээ солилцлоо. НИТХ-ын Төлөөлөгч дүүргийн ИТХ-ын дарга Т.Отгонболд, шинээр батлагдсан хууль тогтоомж, ИТХ-аас өнгөрсөн хугацаанд хийж хэрэгжүүлсэн ажил арга хэмжээ болон цаашид хийх ажлын талаарх мэдээлэл, Төлөөлөгч О.Мөнхсайхан тойрогтоо хийж хэрэгжүүлсэн ажлын тайлан болон 2022 онд хийгдэх хөрөнгө оруулалт, бүтээн байгуулалтын ажлын талаар танилцуулсан бол 4-р хорооны 14 иргэн асуулт асууж дараах саналуудыг гаргалаа.Үүнд:
Залуучуудын ажлын байр бий болгох Тариан булаг хэсгийн дэд бүтэцгүй газрын асуудлыг шийдвэрлэх Гэр хорооллын хог хаягдлыг цэвэрлэх Нийтийн байрны эргэн тойрон үүсээд буй архидалтын асуудлыг шийдвэрлэх Нохой, муурны устгал хийх Автобусны зогсоолыг засварлах Иргэдийг соён гэгээрүүлэх, архидалтыг бууруулах ажлыг эрчимжүүлж сайжруулах зэрэг саналуудыг хэлж байв. Дүүргийн ИТХ-аас 5-н хорооны иргэдтэй хийх уулзалтыг зохион байгуулснаар иргэдээс гаргасан саналуудыг Зөвлөлийн хуралдаанаар оруулж хэлэлцүүлэн холбогдох ААНБайгууллагуудад хүргүүлж асуудлуудыг шийдвэрлэх тал дээр анхаарч ажиллах юм.
