Багануур дүүргийн Гэмт хэргээс урьдчилан сэргийлэх ажлыг зохицуулах салбар зөвлөл, Дүүргийн Шүүхийн Тамгын газар, Дүүргийн Прокурорын газар хамтран “Хүний эрүүл мэндийн халдашгүй байдлын эсрэг гэмт, зөрчлийн гаралт, түүний шалтгаан нөхцөл, урьдчилан сэргийлэх арга зам” сэдэвт хамтарсан зөвлөгөөнийг зохион байгууллаа.
Зөвлөгөөнөөр дараах мэдээлэл явагдлаа.
Үүнд :
Дүүргийн Прокурорын газрын ерөнхий прокурорын орлогч, хууль цаазын итгэмжит зөвлөх Б.Одхүү :
2020, 2021 он, 2022 оны эхний 3 сарын байдлаар үйлдэгдэн гарсан хүний эрүүл мэндийн халдашгүй байдлын эсрэг гэмт хэрэг, зөрчлийн гаралт, шийдвэрлэлтийн байдлын талаар. Эрүүгийн хэргийн анхан шатны шүүхийн шүүгч С.Өлзий-Отгон :Хүний эрүүл мэндийн халдашгүй байдлын эсрэг гэмт хэрэгт оногдуулж буй ял шийтгэл харьцуулсан үзүүлэлт
Багануур дүүрэг дэх Цагдаагийн хэлтсийн Нийтийн хэв журам хамгаалах тасгийн ахлах байцаагч А.Солонго :Хүний эрүүл мэндийн халдашгүй байдлын эсрэг гэмт хэрэг, зөрчлөөс урьдчилан сэргийлэх чиглэлээр авч хэрэгжүүлсэн ажил, үр дүн
Багануур дүүрэг дэх шүүхийн шийдвэр гүйцэтгэх хэлтсийн дарга дэд хурандаа Г.Эрхэмбаяр :Хүний эрүүл мэндийн халдашгүй байдлын эсрэг гэмт хэрэгт шийтгүүлсэн ялтны ял эдлэлтийн байдал
Багануур дүүргийн Гэр бүл, хүүхэд залуучуудын хөгжлийн хэлтсийн дарга Т.Ганзориг :2020-2022 оны байдлаар гэмт хэрэг, зөрчилд холбогдсон болон хохирсон хүүхдэд үзүүлж буй төрийн үйлчилгээ, гэр бүлийн хүрээн дэх гэмт хэрэг, зөрчлөөс урьдчилан сэргийлэх чиглэлээр хийж гүйцэтгэсэн ажлын танилцуулга, мэдээлэл
5-р хорооны Засаг дарга хамтарсан багийнахлагч Б.Мөнх-Учрал:
2020-2022 оны байдлаар хийж гүйцэтгэсэн ажлын танилцуулга, мэдээлэл өглөө.
Зөвлөгөөнөөс дараах саналууд гарлаа. Үүнд:
• Хууль сахиулах болон төрийн байгууллагуудын ажлын уялдаа холбоог сайжруулах аж ахуй нэгж байгууллага, төрийн байгууллагуудад гэмт хэргээс урьдчилан сэргийлэх ажлыг зохицуулах зөвлөл байгуулах
•Иргэдэд соён гэгээрүүлэх, урьдчилан сэргийлэх чиглэлийн сургалт, сурталчилгааны ажлуудыг үе шаттайгаар холбогдох байгууллагууд хамтран зохион байгуулах
• Хамтарсан багуудыг чадвахжуулах
• Гэмт хэрэг зөрчлийн дийлэнх хувь архи согтууруулах ундаа хэрэглэсэн үедээ үйлдэгдэж буй учир энэ төрлийг гэмт хэрэг, зөрчлийг бууруулахад сургалт, сурталчилгааны ажлыг зохион байгуулах зэрэг саналуудыг гарган тодорхой төлөвлөгөөний дагуу зөвлөгөөнөөс гарсан зөвлөмжийг хэрэгжүүлэн ажиллахаар тогтлоо.
