✅Дүүргийн Гамшгийн эрсдэлийг бууруулах орон нутгийн зөвлөл, Онцгой байдлын хэлтэс, Улаан загалмайн хороотой хамтран ЕБС-ийн ахлах ангийн сурагчдын дунд гамшиг, ослоос урьдчилан сэргийлэх мэдлэг олгох, дадлагажуулах зорилгоор "ӨСВӨРИЙН АВРАГЧ-2023" тэмцээнийг зохион байгууллаа.

📍ИТХ-ын дарга Т.Отгонболд, ИТХ-ын нарийн бичгийн дарга бөгөөд ажлын албаны дарга Г.Гансэлэм, Засаг даргын орлогч Б.Балжинням, Онцгой байдлын хэлтсийн дарга Г.Батжаргал, Цагдаагийн хэлтсийн дарга Б.Эрдэнэбилэг, Хилийн 0252 дугаар ангийн захирагч хурандаа Х.Хатанбаатар, ШШГХ-ийн дарга ахмад Б.Адилбек, Цэргийн штабын тоо бүртгэлийн ахлах офицер дэд хурандаа Б.Баттулга, Улаан загалмайн хорооны дарга Х.Хонгорзул нар тэмцээний нээлтийн үйл ажиллагаанд оролцлоо.

📍Өсвөрийн аврагчид танин мэдэхүйн асуулт, хариулт, усанд осолдогчийг аврах, хүч, авхаалж самбаа сорих, гал унтраах, химийн хордолтын бүсэд ажиллах зэрэг төрлүүдээр ур чадвараа сорин өрсөлдсөн юм.

📍Тэмцээний 1 дүгээр байранд дүүргийн Боловсрол цогцолбор сургуулийн Дөл багийн тамирчид, 2 дугаар байранд Гүн галуутай цогцолбор сургуулийн Шонхор багийн тамирчид, 3 дугаар байранд Боловсрол цогцолбор сургуулийн Соёмбо багийн тамирчид, Тусгай байранд Оюуны эрин сургуулийн Disaster guarpians багийн тамирчид, тусгай байранд Гүн галуутай цогцолбор сургуулийн Сонор багийн тамирчид тус тус байр эзэллээ.