✅Дүүргийн Эрүүгийн хэргийн анхан шатны шүүхийн шүүгч Батбуянгийн Мөнх-Эрдэнэ нь Монгол Улсын Ерөнхийлөгчийн 29 дугаар зарлигаар Анхан шатны шүүхийн шүүгчийн албан тушаалд томилогдон 2024 оны 03 дугаар сарын 18-ны өдөр Монгол Улсын шүүгчийн тангаргаа өргөлөө.

✅1980 оны 02 дугаар сарын 23-ны өдрийн 43 дугаар зарлигаар Багануур район, Прокурорын байгууллагын хамтаар Багануур дүүргийн шүүх үүсгэн байгуулагдаж өдгөө 44 дэх жилтэйгээ золгож байна. Энэ хугацаанд тус шүүхэд 26 шүүгч томилогдсон бол Б.Мөнх-Эрдэнэ нь 27 дахь шүүгчээр томилогдож Эрүүгийн хэргийн анхан шатны шүүхийн 6 дахь шүүгчээр томилогдлоо.

Тус шүүгчийн тангараг өргөх ёслолын ажиллагаанд ИТХ-ын дарга Т.Отгонболд, Засаг даргын Тамгын газрын дарга П.Баттүшиг, Дүүргийн Прокурор Ш.Баасандорж, Цагдаагийн хэлтсийн дарга, Цагдаагийн Дэд Хурандаа Б.Эрдэнэбилэг, Шүүхийн Шийдвэр Гүйцэтгэх хэлтсийн дарга Ахмад Т.Адилбек, Улсын өмгөөлөгч Бүжингоо оролцлоо.