Хүүхэд өвсөр үеийнхний эрүүл мэндийн боловсролыг дээшлүүлэх, амны хөндийн эрүүл ахуйн зөв дадлыг эзэмшүүлж улмаар амны хөндийн өвчлөлийг бууруулах зорилгоор дүүргийн ЕБС-ийн 4-5 анги, 6-7 ангийн нийт 24 багийн 192 сурагчдын дунд “Шүд угаалтын аварга” шалгаруулах тэмцээнийг амжилттай зохион байгууллаа.

Тэмцээний үеэр хүүхдүүд жигнэмэг идэж шүдэнд зориудаар өнгөр суулгасны дараа бүгд адил нэг төрлийн сойзоор угааж, шүдний утсаар цэвэрлэсний дараа шүдийг тусгай зориулалтын будагч бодисоор будаж гэрэлд шалгаж шүдээ хэрхэн зөв угаасныг мэргэжлийн эмч нар шүүж оноо өгч багийн нийлбэр дүнг гаргахад тэмцээний 4-5 дугаар ангийн ангилалд:

Тэргүүн байр-Боловсрол сургуулийн “ИНЭЭМСЭГЛЭЛ” баг

Дэд байр- Гүн Галуутай сургуулийн “МИШЭЭЛ” баг

Гуравдугаар байр- Гүн Галуутай сургуулийн “ШИДЭТ СУВДНЫ ЭЗЭД”

Тусгай байр- Оюуны эрин сургуулийн “ТАНАН” баг

Тэмцээний 6-7 дугаар ангийн ангилалд:

Тэргүүн байр-Боловсрол сургуулийн “SHINING STAR” баг

Дэд байр-Гүн Галуутай сургуулийн “ЦАГААН АЛМАЗ” баг

Гуравдугаар байр-Боловсрол сургуулийн “SPARKLY” баг

Тусгай байр-Боловсрол сургуулийн “ШҮДНИЙ БААТРУУД” баг тус тус байр эзэллээ.

Тэмцээний шилдэг оролцогчоор Оюуны эрин сургуулийн “Танан” багийн гишүүн Н.Амитаба болон Боловсрол сургуулийн “Sparkly” багийн гишүүн Ц.Ариун-Итгэл нар тодорлоо.