Дүүргийн ЭМНэгдэл Нийслэлийн дүүргүүдээс анх удаа Гемодиализийн
аппараттай боллоо. Аппаратыг дүүргийн ИТХ-аар төсвийг хэлэлцэн баталж,
орон нутгийн хөгжлийн сангийн хөрөнгөөр худалдан авчээ. Манай дүүрэгт
бөөрний эмгэг өвчтэй, яаралтай уг аппаратад орох шаардлагатай 4 иргэн
байдаг байна. Ийнхүү дүүрэгтээ гемодиализийн аппараттай болж байгаа нь
иргэдэд цаг хугацаа, эдийн засгийн хувьд чухал ач холбогдолтой болсон
талаар эмчлүүлэгч ярьж байлаа. Хөдөө орон нутгаас ирж эмчлүүлэх иргэд ч
мөн байгаа бөгөөд эдгээр иргэдэд тодорхой төлбөртэй үйлчлэх юм байна.
