Сум, дүүргийн Иргэдийн Төлөөлөгчдийн Хурлын 2016 оны сонгуулийн санал хураалт 10 дугаар сарын 19-ний өдөр явагдсан бөгөөд ирц хүрээгүйгээс 1764 тойргийн 135 тойрогт нэмэлт санал хураалт явагдахаар болсон байна. Үүнээс Аймагт 57 тойрог, нийслэлд 78 тойрогт нэмэлт санал хураалт явуулах юм.
Мөн 117 нэр дэвшигчдийн санал тэнцсэн тул 19 аймгийн 58 хэсэгт дахин санал хураалт явуулна гэх мэдээг сонгуулийн ерөнхий хорооноос мэдээлж байна. Тэгвэл манай Багануур дүүргийн тухайд зөвхөн 5 дугаар хороо 50 хувьдаа хүрч чадалгүй нэмэлт санал хураалтыг явуулахаар болсон байна. Сонгуулийн тухай хуулийн 106 дугаар зүйлд зааснаар Нэмэлт санал хураалтыг 2016 оны 10 дугаар сарын 23-ны өдрийн Ням гарагт Улаанбаатарын цагаар 7:00-22:00 цагт явуулахаар болсон байна. Нэмэлт санал хураалтад зөвхөн тухайн хэсэгт сонгогчдын нэрийн жагсаалтад бүртгэлтэй саналаа өгөөгүй иргэд оролцох бөгөөд өмнө нь санал өгсөн иргэн дахин санал өгөхгүй болхыг дүүргийн сонгуулийн хорооноос мэдээлж байна.