Дүүргийн Иргэдийн төлөөлөгчдийн хурлын анхдугаар хуралдааныг өнөөдөр ЗДТГ-ын 202 тоотод зохион байгууллаа. Хуралдаанаар дүүргийн ИТХ-д ялалт байгуулсан 25 төлөөлөгчийн бүрэн эрхийг баталгаажуулж энгэрийн тэмдэг үнэмлэхийг гардуулан өгөхөөс гадна ИТХ-ын дарга тэргүүлэгчдийг сонгох мөн дүүргийн Засаг даргыг сонгох санал хураалтыг явуулах ажиллагааг зохион байгууллаа. Санал хураалтыг дүүргийн төр захиргааны байгууллагуудын дарга удирдлагуудын дунд нээлттэйгээр явуулсан юм. Санал хураалтаар ИТХ-ын даргаар С.Даваасүрэн,  сонгогдсон бол тэргүүлэгчдээр  Н.Ганбаатар Э.Номинчулуун Д.Батнасан Ж.Мөнхцэцэг Б.Батболд А.Өсөхжаргал гэх 6 төлөөлөгчийг тэргүүлэгчээр ажиллуулахаар болсон байна. Багануур дүүргийн Засаг даргын тухайд ИТХ-ын суудалд олонх болсон МАН-аас Цэндийн Сандаг-Очирыг нэр дэвшүүлж төлөөлөгчдийн 100 хувийн саналаар дэмжигдэн Нийслэлийн засаг дарга бөгөөд Улаанбаатар хотын захирагч С.Батболдод саналаа өргөн барихаар болсон юм.