Сар шинийн баярыг тохиолдуулан Багануур дүүргээс Улсын их хуралд сонгогдсон гишүүд 80 аас дээш насны ахмад настнуудад хүндэтгэл үзүүлж байгаа билээ. Өнгөрөгч 2-р сарын 6-ны өдөр УИХ-ын гишүүн Ц.Мөнх-Оргил 1-р хорооны ахмадуудад хүндэтгэл үзүүлж гарын бэлэг гардуулсан бол өнөөдөр УИХ-ын гишүүн Д.Цогтбаатар 2,4 дүгээр хороо, УИХ-ын гишүүн Сү.Батболдын ахлах зөвлөх Д.Батхуяг, Нийслэлийн ИТХ-ын Төлөөлөгч О.Мөнгөншагай нар 5-р хорооны иргэдэд хүндэтгэл үзүүлж, гарын бэлэг гардууллаа.
Мөн иргэдийн санал хүсэлтийг сонсон уулзалт зохион байгуулсан юм. Уулзалтанд дүүргийн Засаг даргын орлогч, ИТХ-ын Төлөөлөгч Т.Отгонболд, ИТХ-ын Төлөөлөгч Д.Батнасан, Ж.Бат-Эрдэнэ, А.Өсөхжаргал, С.Сэргэлэн, Б.Мөнх-Учрал оролцож ахмадуудын санал сэтгэгдлийг сонсон, хийж хэрэгжүүлэх ажлын талаар мэдээлэл хийн, тулгамдаж буй асуудлуудыг хэлэлцсэн үр дүнтэй уулзалт боллоо.
