Нийслэл, дүүргийн ИТХ-аас “Иргэдээ сонсъё” аяныг 2-р сарын 15-аас 3-р сарын 15 ны хооронд зохион байгуулахаар болсон. Багануур дүүргийн ИТХ-ын Ажлын алба аяныг дүүргийн алслагдсан хороо болох 2 дугаар хорооноос эхлүүллээ.

Аяны хүрээнд дүүргийн ИТХ-аас баталсан тогтоол шийдвэр, ойрын үед хийх ажлын талаар иргэд сонгогчиддоо танилцуулж, оршин суугаа газрын агаарын бохирдлыг бууруулах, бусад тулгамдсан асуудлыг шийдвэрлэхэд иргэдийн оролцоог хангах тэдний санал бодлыг сонсож цаашдын үйл ажиллагаанд тусгахад аяны зорилго оршиж байгаа юм.

Уулзалтанд Багануур дүүргийн ИТХ-ын дарга С.Даваасүрэн, дүүргийн Засаг дарга Ц.Сандаг-Очир, ИТХ-ын Төлөөлөгч П.Төгөлдөр, 2-р хорооны Засаг дарга Ж.Мөнхцэцэг, ХХҮХ-ийн дарга Д.Цэрэннадмид болон ИНХ-ын дарга тэргүүлэгчид оролцлоо.

Дүүргийн ИТХ-ын дарга С.Даваасүрэн нээж үг хэлэхдээ энэхүү аян нь зөвхөн нэг сарын хугацаанд зохион байгуулагдаад өнгөрөх биш бүрэн эрхийн хугацаанд төр захиргааны байгууллага, төрийн албан хаагчид иргэдээ сонсож, тэдний санал хүсэлтийг үйл ажиллагаандаа ямагт тусгаж ажиллах болно хэмээн дурьдаж байлаа.

Иргэдээ сонсъё аяныг 1 дүгээр хороо 2-р сарын 18-ны 18:00 цагт Гүн галуутай цогцолбор сургуулийн урлаг зааланд, 3 дугаар хороо 2-р сарын 23 ны 14цагт хорооны хурлын танхимд,  4 дүгээр хороо 2-р сарын 24 ны 15:00 цагт хорооны хурлын танхимд, 5 дугаар хороо 2-р сарын 24-ны 11:00  цагт хорооны хурлын танхимдаа тус тус  зохион байгуулахаар төлөвлөсөн.

Мөн хороодоос сонгогдсон ИТХ-ын Төлөөлөгчид, ИНХ-ын дарга , Тэргүүлэгчид айл өрхүүдээрээ явж санал хүсэлтийг авах, тэдний санаа бодлыг сонсох зэрэг ажлуудыг мөн төлөвлөн ажиллаж байна.

Иргэдээ сонсъё аянд та бүхнийг идэвхтэй оролцохыг уриалж байна.