Дүүргийн ИТХ-ын Тэргүүлэгчдийн 3 дугаар хуралдаан боллоо. Хурлаар ээлжит бус 5 дугаар хуралдааны тов батлах тухай, Гэмт хэргээс урьдчилан сэргийлэх ажлыг зохицуулах салбар зөвлөлийн 2017 оны төлөвлөгөөг батлах тухай, Үнэлгээний хорооны нэрсийг батлах тухай, ИТХ-ын Ажлын албаны Хөдөлмөрийн дотоод журам батлах тухай асуудлуудыг хэлэлцлээ.

Ээлжит бус 5 дугаар хуралдааныг 2017 оны 03-р сарын 10-ны өдөр хуралдуулж ИТХ-ын дүрэм, Тэргүүлэгчдийн хурлын дэг батлах тухай хэлэлцэхээр боллоо.

Гэмт хэргээс урьдчилан сэргийлэх ажлыг зохицуулах салбар зөвлөлийн 2017 оны төлөвлөгөөг баталж, төлөвлөгөөний биелэлтэнд хяналт тавьж, хэрэгжилтийг хангаж ажиллахыг салбар зөвлөлийн даргад үүрэг болголоо.

Үнэлгээний хорооны нэрсийг батлах тухай, хэлэлцэж Эрх зүйч Ч.Ариунбаатар, Ч.Хурцбилэг, Эдийн засагч О.Батмөнх, нягтлан бодогч Ц.Лхагвахатан гэх 4 хүний нэрийг орууллаа.  ИТХ-ын ажлын албаны “Хөдөлмөрийн дотоод журам”-ыг баталлаа.