Багануур дүүргийн нийт ахмад буурлуудыг Билгийн тооллын хаврын тэргүүн сар, монгол түмний уламжлалт баяр цагаан сарын босгон дээр жил бүр хүлээн авч хүндэтгэл үзүүлдэг уламжлалтай. Дүүргийн хэмжээнд нийт 2600 гаруй ахмад настан амьдардаг бөгөөд өнөөдөр дүүргийн төр захиргааны байгууллагаас ахмадуудаа хүлээн авч хүндэтгэл үзүүлэв.    Үйл ажиллагаа БНХК-ны дэргэдэх Уурхайчин спорт цогцолборт зохион байгуулагдаж ИТХ-ын дарга С.Даваасүрэн Засаг дарга Ц.Сандаг-Очир болон ИТХ-ын төлөөлөгчид дүүргийн ахмадууд оролцлоо. Манай улсын эдийн засаг хүндрэлтэй байгаа ч ахмад настны амьдралын чанар, аж байдлыг сайжруулах, хөгжил, оролцоог дэмжих, үйлчилгээ авах боломжийг нэмэгдүүлэх бодлогод онцгой анхаарч үр дүнг  нь ахмадууд маань хүртэх бодит ажлуудыг 2016-2020 онд хэрэгжүүлэхээр Засгийн газрын үйл ажиллагааны хөтөлбөрт тодорхой зорилтуудыг тусган ажиллаж байгаа юм.Засгийн газрын санаачилгаар Ахмад настны тухай болон Алдар цолтой ахмад настанд төрөөс нэмэгдэл, хөнгөлөлт олгох тухай хуулиудыг Улсын Их Хурлаар хэлэлцэн баталсан.2017 оны 2-р сарын 20-ны өдрөөс эхлэн Дүүргийн хэмжээнд 65-с дээш настай 1263 ахмад настанд 103 сая төгрөгийн “Насны хишиг”-ийг олгоод байна. Төрийн захиргааны байгууллагын зүгээс ахмад настны хөгжил хамгаалал, эрүүл мэнд, боловсрол, хөдөлмөр эрхлэлт, нийгмийн амьдралд оролцох оролцоог хангах талаар төр, засгаас гаргасан бодлого шийдвэрийн хэрэгжилтийг зохион байгуулж, гүйцэтгэлд нь хяналт тавих ажлыг эрчимжүүлэхийн төлөө ажиллаж байна. Хүндэтгэлийн арга хэмжээний үеэр ахмад буурлууддаа ирж буй тахиа  жилд зориулан ном хурсан бөгөөд буянт буурлууд та бүхэндээ 17-р жарны Алтан унжлагат хэмээх гал тахиа жилдээ элгээрээ энх амгалан төрлөөрөө түвшин амгалан Сар шинэдээ сайхан шинэлээрэй” хэмээн  2017 оны хуанли гарын бэлгийн хамт гардуулан өглөө.