УИХ-ын Тамгын газар, Швейцарийн Хөгжлийн агентлаг НҮБ-ын Хөгжлийн хөтөлбөр хамтран “Нутгийн өөрөө удирдах байгууллагын чадавхыг бэхжүүлэх нь”  төслийн хүрээнд хэрэгжүүлдэг чадавхжуулах сургалтанд Багануур дүүргийн ИТХ-ын ажлын алба, хурлын Төлөөлөгчид, ИНХ-ын дарга нар хамрагдлаа. 

Сургалтыг 2017 оны 03-р сарын 11,12-ны  өдрүүдэд зохион байгууллаа. Нутгийн өөрөө удирдах байгууллагын Үндсэн хуулийн ба эрхзүйн үндэс, хуралдаан, хуралдааны дэг сэдвээр  /Удирдлагын академийн багш/  Я.Бямбаяр, Иргэний оролцоо иргэдтэй харилцах нь сэдвээр /Монголын нутгийн удирдлагын холбооны багш / П.Янжинлхам, Байгаль хамгаалал газрын харилцаа сэдвээр /Хил хязгааргүй алхам ТББ-ын багш/ Н.Баярсайхан, Орон нутгийн төсөв санхүүгийн удирдлага сэдвээр /Орон нутгийн хөгжлийн хүрээлэнгийн сургагч багш/ Ч.Дашдэмбэрэл нар сургалтыг явууллаа.

“Нутгийн өөрөө удирдах байгууллагын чадавхыг бэхжүүлэх нь”  төсөл нь 2013 оны 06 дугаар сараас эхлэн хэрэгжиж эхэлсэн бөгөөд нутгийн удирдлагын хариуцлага, орон нутгийн үйлчилгээг сайжруулах, орон нутгийн хурлын төлөөллийн болон хяналтын чиг үүргээ хэрэгжүүлэх чадавхыг бэхжүүлэх, Төлөөлөгчдөд зориулсан үндэсний сургалтын хөтөлбөрийг боловсруулж, түүнийг хэрэгжүүлэх механизмыг бий болгох, иргэдийн оролцоог хангаж байгаа сайн туршлагыг дэлгэрүүлэх, нутгийн өөрөө удирдах байгууллагын эрх зүйн орчныг сайжруулах зэрэг цогц арга хэмжээг хэрэгжүүлдэг.  

Энэхүү төсөл нь Монгол улсын хэмжээнд иргэдийн төлөөлөл болон сонгогдсон 6500 гаруй төлөөлөгчийг хамруулсан томоохон төсөл юм. Анхан шатны сургалтанд оролцсон төлөөлөгчдөөс ирүүлсэн саналыг үндэслэн Төрийн албаны зөвлөл, УИХ-ын төрийн байгуулалтын байнгын хороо, эрдэмтэн судлаачдын бүрэлдэхүүнтэйгээр хоёр дахь шатны сургалтын хөтөлбөрийг боловсруулсан байна.