Нийслэл дүүргийн ИТХ-аас баталсан тогтоол шийдвэр авч байгаа арга хэмжээ, хийж буй ажлын талаар иргэдэд танилцуулах, агаар орчины бохирдлыг бууруулах, бусад тулгамдсан асуудлыг шийдвэрлэхэд иргэдийн санал бодлыг сонсож үйл ажиллагаандаа тусгах зорилгоор “Иргэдээ сонсъё” аяныг зохион байгуулж байгаа билээ.

Өнгөрөгч 2-р сард 1,2-р хороо иргэдтэй уулзах уулзалтыг зохион байгуулсан бол 3-р сард 4,5-р хороо ийнхүү уулзалтыг хийлээ.

Уулзалтанд дүүргийн ИТХ-ын дарга С.Даваасүрэн, Засаг дарга Ц.Сандаг-Очир, ИТХ-ын тэргүүлэгч, Д.Батнасан, Ж.Мөнхцэцэг, А.Өсөхжаргал, Төлөөлөгч О.Мөнхсайхан, Д.Шинэбаяр, С.Сэргэлэн, Б.Мөнх-Учрал, ИТХ-ын ажлын албаны дарга Б.Балжинням, Иргэний оролцооны хэлтэс, хороодын ИНХ-ын дарга тэргүүлэгчид, ХХҮХ-ийн захиргаа, хяналтын албаны дарга Д.Сарантуяа, мэргэжилтнүүд оролцлоо.

Иргэд уулзалтанд идэвхитэй оролцож ажлын байр, эрүүл мэндийн төвийн үзлэг оношилгоо, гэр хорооллын гудамжны гарц, зам засвар, дэд бүтэц, тэтгэвэр тэтгэмж, зэрэг асуудлаар санал бодлоо илэрхийлж байлаа.

Дүүргийн удирдлагууд гаргасан санал хүсэлтийг анхааралдаа авч ажиллахаа илэрхийлж, цаашид иргэдийн үзэл бодол, санал хүсэлтийг сонсох зорилгоор уулзалт хэлэлцүүлгийг төрөлжүүлэн салбар тус бүрээр хийж байх нь зүйтэй юм гэсэн дүгнэлтэнд хүрлээ. Тухайлбал эрүүл мэнд, нийгмийн даатгалын талаар иргэд мэдээлэл авах сонирхолтой бол тус байгууллагын ажил хариуцсан ажилтнууд мэдээлэл өгөх журмаар уулзалтыг хийж байхаар боллоо.