Үүний дараагаар 700 Мвт-ын хүчин чадалтай цахилгаан станцын ажилтай танилцсан. "Багануур пауэр" ХХК нь 2015 оны 04 сарын 1-ний өдөр Монгол улсын Засгийн газартай Багануурын нүүрсний уурхайг түшиглэн шинээр 700 Мвт-ын хүчин чадалтай “Багануурын цахилгаан станц”-ын төслийн БАРИХ-АШИГЛАХ-ШИЛЖҮҮЛЭХ нөхцөлөөр хэрэгжүүлэхээр Концессын гэрээ байгуулсан бөгөөд төслийн нийт хөрөнгө оруулалт нь 1 тэрбум илүү ам.доллар болж байгаа юм. Дээрх 700 МВт-ын хүчин чадалтай цахилгаан станц баригдсанаар Багануур дүүрэгт баригдах "Үйлдвэр технологийн парк", Оюутны хотхон зэрэг төлөвлөгдөж буй томоохон бүтээн байгуулалтуудын цахилгаан эрчим хүч, дулааны хэрэгцээ, хангамжийг бүрэн шийдвэрлэж цаашлаад 300 гаруй тооны мэргэжлийн боловсон хүчин урт хугацаагаар ажлын байраар хангах юм байна.
Дараагийн очсон газар дүүргийн 1-р хороонд баригдаж байгаа амины орон сууцны барилгын ажилтай танилцсан. Амины орон сууцны хувьд “Цахирт Ану” ХХК, “Хүслэн дэлгэрэх” ХХК-д үйл ажиллагаагаа явуулдаг бөгөөд өнөөдрийн байдлаар 26 айл орон сууцандаа ороод байгаа юм байна. Нийслэлийн Засаг дарга бөгөөд Улаанбаатар хотын Захирагч С.Батболд хэлэхдээ: Зам талбай, орон сууцны шийдлийг зөв зохицуулсан байна. Иргэдийн худалдан авах чадварт нийцүүлсэн барилга барьж байгааг харахад сайшаалтай. Дэд бүтцийн хувьд туслалцаа хүссэн судалж, анхаарч ажиллана” гэлээ. Харин 5 хороонд дутуу баригдсан 320 хүүхдийн бага сургуулийн ажилтай танилцсан. Хөрөнгө оруулалт дутуу хийгдсэнээр барилгын ажил зогссон бөгөөд энэ жил хөрөнгө оруулалт байхгүй гэдгийн хэлсэн.
Эрүүл мэндийн нэгдлийн хувьд тулгамдаж байгаа 4 асуудлыг уламжилсан бөгөөд тухайлбал: Дижитал рентген аппарат, цахилгаан сантехникийг сайжруулах, өнгөт ехо аппарат, эх хүүхдийн эрүүл мэндийн төвийг шинээр байгуулах зэрэг асуудлыг уламжилсан. Нийслэлийн Засаг дарга бөгөөд Улаанбаатар хотын Захирагч С.Батболд хэлэхдээ: "Нярайн тасгийн тоног төхөөрөмжийг шийдвэрлэнэ” гэсэн юм.
Дараагаар Төрийн албан хаагчидтай уулзсан. Энэ үеэр Засаг дарга Ц.Сандаг-Очир дүүргийн төсөв санхүү, хөрөнгө оруулалт, хууль, эрх зүйн талаар мэдээлэл хийсэн. Цаашлаад Багануур дүүргийн статусыг нэмэгдүүлэх, ашигт малтмал нөөц ашигласны төлбөр, усны төлбөр, газрын төлбөрийг дүүрэгт төвлөрүүлэх, "Багануур-Ус", "Автожим" ОНӨААТҮГ-ыг НӨҮГ болгох асуудлыг шийдвэрлэх, архи согтууруулах ундаагаар үйлчилдэг цэнгээний газрын ажиллах цагийн хуваарьт өөрчлөлт оруулж 24:00 цагт хаадаг болгох зэрэг асуудлыг шийдвэрлүүлэхээр уламжиллаа.
